अफगानस्तानले सन २०३० सम्म्मा २५ हजार महिला शिक्षक तथा स्वास्थ्यकर्मी गुमाउने राष्ट्रसंघको प्रक्षेपण

अफगानिस्तानमा पछिल्लो समय सार्वजनिक सेवामा महिला कर्मचारीको अभाव गम्भीर बन्दै गएको छ । बालिकाहरुका लागि शिक्षा र महिलाहरूका लागि रोजगारीमा लगाइएका प्रतिबन्धका कारण सन् २०३० सम्ममा २५ हजार भन्दा बढी महिला शिक्षक तथा स्वास्थ्यकर्मी गुम्ने खतरा रहेको संयुक्त राष्ट्रसङ्गीय निकाय युनिसेफले चेतावनी दिएको छ ।
अफगानिस्तानको वर्तमान अवस्थालाई “दोहोरो सङ्कट” को रूपमा व्याख्या गर्दै युनिसफेफले बालिकाहरुलाई उच्च शिक्षाबाट वञ्चित गरिनु र केटीहरूको शैक्षिक पहुाचमा अवरोध हुनु गम्भीर चिन्ताको विषय बनेको जनाएको छ । प्रतिवेदनअनुसार चालु दशकको अन्त्यसम्म अफगानस्तानले करिब २० हजार महिला शिक्षक र पााच हजार चार सय स्वास्थ्यकर्मी गुमाउन सक्ने अनुमान गरिएको छ ।
सन् २०२१ सेप्टेम्बरदेखि अफगान सरकारले केटीहरूलाई माध्यमिक शिक्षामा प्रतिबन्ध लगाएपछि १० लाखभन्दा बढी बालिका आˆनो सिकाइ अधिकारबाट वञ्चित भएका छन् । यदि यो प्रतिबन्ध सन् २०३० सम्म कायम रहृयो भने २० लाखभन्दा बढी बालिका प्राथमिक तहको विद्यालय पहुाचभन्दा समेत बाहिर रहने जोखिम रहेको युनिसेफले जनाएको छ ।
हाल अफगानिस्तानमा केटीहरूलाई कक्षा ६ भन्दा माथिको शिक्षामा रोक लगाइएको छ भने महिलाहरूलाई अर्को सूचना नआएसम्म विश्वविद्यालयमा उपस्थित हुन निषेध गरिएको छ ।
प्रतिवेदनले अफगान सरकारलाई केटीहरूको माध्यमिक शिक्षामा लगाइएको प्रतिबन्ध तत्काल हटाउन आग्रह गरेको छ । साथै अन्तर्राष्ट्रिय समुदायलाई अफगान बालिकाहरूको शिक्षाको मौलिक अधिकारको संरक्षणमा सहयोग गर्न आहृवान गरिएको छ ।