स्टार्टअप शुरु गर्ने विद्यार्थीलाई पीसीपीएस कलेजले विऊ पूँजि उपलव्ध गराउने

ललितपुर । पाटन कलेज फर प्रोफेसनल स्टडिज (पीसीपीएस कलेज) ले स्टार्टअप गर्न चाहने आफना विद्यार्थीलाई विऊ पुँजि उपलव्ध गराउने भएको छ । कलेजको दिक्षान्त समारोहका अवसरमा एलबीईएफ ग्रुपका अध्यक्ष पंकज कुमार जालानले युवा उद्यमशिलता विकास गर्नका लागि उत्कृष्ट परियोजनाका आधारमा विऊ पुँजि उपलव्ध गराईने जानकारी दिनुभयो ।
कम्युटर साईन्स एण्ड सफ्टवेयर इन्जिनियरिङ बीएस्सी २०२५ र सफ्टवेयर इन्जिनियरिङ विएससी २०२६ तर्फबाट दीक्षित विद्यार्थीरुहरुलाई सम्वोधन गर्ने क्रममा अध्यक्ष जालानले कलेजमा युवा उद्यमशिलता विकास कार्यक्रम शुरु गरिएकाले उत्कृष्ट परियोजनाका आधारमा विद्यार्थीलाई विऊ पुँजि उपलव्ध गराउन लागिएको बताउनुभयो ।
नेपाली विश्वविद्यालयमा सर्टिफिकेट लिएपछि विदेश जानुपर्छ भन्ने मान्यता तोड्न रोजगारी सिर्जना गर्न आफुरुले स्टार्टअप पुँजिको अवधारणा अघि सारेको बताउनुभयो ।
अध्यक्ष जालानका अनुसाधर कजेलबाट दीक्षित विद्यार्थीले आफ्नो व्यवसायिक परियोजना अनुसार कलेजबाट विऊ पुँजि प्राप्त गर्नुका सार्थै अन्य प्राविधिक सहायता समेत पाउनेछन ।
पीसीपीएस कलेज बेलायतको प्रसिद्ध बेडफर्डशाईर विश्वविद्यालयसंग आवद्ध छ ।
काठमाडौंमा मंगलबार आयोजित समारोहमा कम्युटर साईन्स एण्ड सफ्टवेयर इन्जिनियरिङ बीएस्सी २०२५ तर्फ ३२ जना र सफ्टवेयर इन्जिनियरिङ विएससी २०२६ बाट २५ गरी कुल ५७ जना विद्यार्थी दीक्षित भएका छन । सन २०१७ मा स्थापीत पीसीपीएसले आफुलाई मुलुककै अग्रपंक्तिको शैक्षिक संस्थाका रुपमा खडा गर्न सफल भएको छ ।
नेपाली विद्यार्थीहरुलाई स्वदेशमै अन्तराष्ट्रियस्तरको शिक्षा प्रभावकारी रुपमा प्रदान गर्ने सपनालाई पीसीपीएसले साकार पारेको अध्यक्ष जालानको भनाई छ ।
कार्यक्रममा एलबीईएफ ग्रुपका कार्यकारी निर्देशक प्रकाश कजेरीवालले स्वदेशमै अन्तराष्ट्रिय स्तरको शिक्षा उपलव्ध गराउन आफुहरु प्रतिवद्ध रहेको बताउनुभयो । यस्तै बेलायतको बेडफर्डशाईर विश्वविद्यालयका प्राध्यापक एन्ड्रयु चर्चले पीसीपीएससंग सहकार्य गर्न पाउँदा खुसी लागेको र आगामी दिनमा पनि सहकार्य गरेर अघी बढ्ने प्रतिवद्धता जनाउनुभयो ।