काठमाडौं । अर्जेन्टिनी फुटबल स्टार लियोनल मेस्सीका पिता होर्हे मेस्सीको ६८ वर्षको उमेरमा निधन भएको छ । रोजारियोमा उपचाररत उहाँको निधन भएको हो ।
होर्हे मेस्सीको निधनप्रति अर्जेन्टिना फुटबल एशोसिएसन र बार्सिलोनाले दुःख व्यक्त गर्दै मेस्सी परिवारप्रति समवेदना प्रकट गरेका छन् ।
होर्हे मेस्सी लियोनल मेस्सीका पिता मात्रै नभई, उहाँको फुटबल करियरका प्रमुख मार्गदर्शक पनि हुनुहुन्थ्यो । मेस्सी १३ वर्षको हुँदा उहाँलाई अर्जेन्टिनाबाट स्पेन लैजान र बार्सिलोनाको युवा एकेडेमीमा आबद्ध गराउन पनि उहाँको महत्वपूर्ण भूमिका थियो ।
पछि होर्हेले लियोनल मेस्सीको एजेन्टका रूपमा समेत काम गर्नुभएको थियो ।
