प्रधानमन्त्रीसहित १६ जना मन्त्रीहरूसँग करीब ८ सय तोला सुन

प्रधानमन्त्रीसहित १६ जना मन्त्रीहरूसँग करीब ८ सय तोला सुन छ । प्रधानमन्त्री बालेन्द्र साहले सम्पत्ति विवरणमा, १९० तोला सुन देखाउनुभएको छ। आजको भाउ अनुसार, उहाँसँग ५ करोड ६० लाखभन्दा बढीको सुन छ । सुन बढी राख्ने मन्त्रीको दोश्रो सूचीमा गौरी कुमारी यादव हुनुहुन्छ । उद्योग, वाणिज्य तथा आपूर्तिमन्त्री गौरी कुमारीले, १८० तोला सुन छ, भन्नुभएको छ । उहाँले रुसमा व्यापार गर्ने क्रममा कमाएको धनले, सुन किनेको बताउनुभएको छ । गृहमन्त्री सुधन गुरुङसँग ८९ तोला, श्रममन्त्री रामजी यादवसँग ८० तोला र अर्थमन्त्री स्वर्णिम वाग्लेसँग ४५ तोला सुन छ । त्यसैगरी, परराष्ट्रमन्त्री शिशिर खनालसँग २२ तोला, भौतिक पूर्वाधार तथा यातायातमन्त्री सुनिल लम्साल र स्वास्थ्यमन्त्री निशा मेहेताले तीतीस तोला सुन छ, भन्नुभएको छ । संघीय मामिला तथा सामान्य प्रशासनमन्त्री प्रतिभा रावल र शिक्षामन्त्री सस्मित पोखरेल सँग २५–२५ तोला, महिलामन्त्री सीता बादीसँग १८ तोला, उर्जामन्त्री विराजभक्त श्रेष्ठ र कानुनमन्त्री सोविता गौतमसँग १५–१५ तोला सुन छ। पर्यटनमन्त्री खडकराज पौडेलले, ११ तोला, सञ्चारमन्त्री विक्रम तिमिल्सिनाले ७ तोला र कृषिमन्त्री गीता चौधरीले आफुसँग ५ तोला सुन छ, भन्नुभएको छ । आज, एकतोला सुनको भाउ २ लाख ९६ हजार ७ सय रुपैयाँ तोकिएको छ।