चालू आर्थिक वर्ष २०८१/८२ को पहिलो चौमासिकमा मुलुकको व्यापार घाटा साढे चार खर्ब रुपैयाँ नाघेको छ । भन्सार विभागले सार्वजनिक गरेको गत साउनदेखि कात्तिकसम्मको तथ्यांक अनुसार चार महिनामा ४ खर्ब ६० अर्ब ७१ करोड ७३ लाख रुपैयाँ बराबरको व्यापार घाटा देखिएको छ ।
यो गत आर्थिक वर्षको सोही अवधिको तुलनामा शून्य दशमलव २६ प्रतिशतले कम हो । गत आर्थिक वर्षको सोही अवधिमा ४ खर्ब ६१ अर्ब ९३ करोड रुपैयाँ बराबरको व्यापार घाटा रहेको विभागको तथ्यांक छ ।
चालू आवको कात्तिक मसान्तसम्ममा विभिन्न मुलुकबाट पाँच खर्ब १३ अर्ब ३८ करोड ८० लाख बराबरको वस्तु आयात भएको छ । यो गत आर्थिक वर्षको सोही अवधिको तुलनामा आयात शून्य दशमलव १७ प्रतिशतले बढी हो ।
