पूर्वगृहमन्त्री गुरुङलाई पुनः गृह मन्त्रालयको जिम्मेवारी दिने तयारी अन्तिम चरणमा पुगेको छ। शपथग्रहणका लागि राष्ट्रपति कार्यालयसँग आवश्यक समन्वय तथा पत्राचारसमेत भइसकेको बताइएको छ।
सम्पत्ति विवरणलगायत विषयमा उठेका प्रश्नपछि गुरुङले गत वैशाख ९ गते गृहमन्त्री पदबाट राजीनामा दिएका थिए। त्यसलगत्तै सरकारले घटनाबारे सत्यतथ्य छानबिन गर्न विशेष समिति गठन गरेको थियो।
समितिले अनुसन्धानका क्रममा गुरुङविरुद्ध कुनै ठोस अनियमितता नदेखिएको निष्कर्ष निकालेपछि उनलाई पुनः गृह मन्त्रालयको नेतृत्वमा फर्काउने निर्णय भएको स्रोतको दाबी छ।
