प्रधानमन्त्रीको अभिव्यक्तिप्रति एमालेको विमति

नेपाल कम्युनिष्ट पार्टी (एमाले) ले प्रधानमन्त्री वालेन्द्र शाहबाट आइतबार प्रतिनिधसभामा व्यक्त केही विषयप्रति विमति जनाएको छ । पार्टी महासचिव शङ्कर पोखरेलले आज जारी गर्नुभएको विज्ञप्तिमा प्रधानमन्त्रीको अभिव्यक्ति ऐतिहासिक तथ्य, प्रमाण र नेपालको स्थापित राष्ट्रिय अडानविपरीत भएको जनाइएको छ । भूमि, सीमा र राष्ट्रिय स्वाधीनता सम्पूर्ण नेपालीको साझा सरोकारको विषय भएकाले यस्ता विषयमा संसद्बाट व्यक्त विचारले राष्ट्रिय एकता र नेपालको कूटनीतिक दाबीलाई कमजोर बनाउने उल्लेख गर्दै विज्ञप्तिमा २०७७ जेठ ७ गते लिम्पियाधुरा, लिपुलेक र कालापानी समेटिएको नयाँ नक्सा जारी गरेको तथा उक्त नक्सालाई सङ्घीय संसद्ले सर्वसम्मत रूपमा अनुमोदन गरी संविधानको अनुसूचीमा समावेश गरिसकेको स्मरण गराइएको छ ।