काठमाडौँ । अमेरिकी राष्ट्रपति जो बाइडेन युक्रेनलाई एन्टी पर्सनल ल्यान्ड माइन उपलब्ध गराउन सहमत भएका छन् ।
बिबिसीका अनुसार यस्ता माइनहरू अमेरिकाले छिट्टै युक्रेनलाई हस्तान्तरण गरिने र युक्रेनको सीमाभित्र प्रयोग हुने अमेरिकाको अपेक्षा रहेको उल्लेख छ ।
अमेरिकी अधिकारीका अनुसार युक्रेन पनि सघन जनसंख्या भएको क्षेत्रमा यस्ता खानी प्रयोग नगर्न प्रतिबद्ध रहेको छ । पछिल्लो केही महिनादेखि युक्रेनको पूर्वतर्फ तीव्र गतिमा अघि बढिरहेको रुसी सेनालाई रोक्न यो निर्णय गरिएको मानिएको छ ।
अमेरिकाका नवनिर्वाचित राष्ट्रपति डोनाल्ड ट्रम्पले जनवरी २० मा पदभार ग्रहण गर्दैछन् । यसभन्दा दुई महिना अगाडि नै वर्तमान अमेरिकी राष्ट्रपतिले युक्रेनलाई अमेरिकी सहयोगमा नयाँ निर्णय लिइरहेका छन् ।
केही दिनअघि मात्रै अमेरिकाले युक्रेनलाई रुसभित्र लामो दूरीका क्षेप्यास्त्र प्रयोग गर्न अनुमति दिएको थियो ।
रुसले मंगलबार युक्रेनले रुसभित्र अमेरिकी लामो दूरीका क्षेप्यास्त्रले आक्रमण गरेको जनाएको छ । रुसले रुस–युक्रेन युद्धमा युक्रेनलाई सहयोग नगर्न पश्चिमी देश र नेटो सदस्य राष्ट्रहरूलाई चेतावनी पनि दिएको छ ।
