काठमाडौं । आठ वटा विश्वविद्यालयमा रिक्त उपकुलपति नियुक्तिका लागि सिफारिस समितिले शुक्रबार दरखास्त आह्वान गर्यो । अध्यादेशमार्फत उपकुलपतिहरू पदमुक्त भएपछि समितिले खुला प्रतिस्पर्धाबाट नियुक्त गर्न लागेको हो ।प्रधानमन्त्री एवं कुलपति बालेन शाहले शिक्षा मन्त्री सस्मित पोखरेलको संयोजकत्वमा तीन सदस्यीय सिफारिस समिति गठन गरेका थिए ।
उपकुलपति बन्न चाहने व्यक्तिले:
-मान्यता प्राप्त विश्वविद्यालयबाट विद्यावारिधि (PhD) गरेको हुनुपर्ने।
-शिक्षण, अनुसन्धान वा शैक्षिक नेतृत्व क्षेत्रमा कम्तीमा १० वर्षको अनुभव हुनुपर्ने।
-उमेर कम्तीमा ४० वर्ष पुगेको हुनुपर्ने।
-उच्च नैतिक चरित्र भएको हुनुपर्ने।
-आवेदन दिने समयमा कुनै पनि राजनीतिक दलको सक्रिय सदस्य नरहेको हुनुपर्ने।
सरकारले विश्वविद्यालय पदाधिकारी नियुक्तिलाई खुला प्रतिस्पर्धा र योग्यता आधारित प्रणाली मार्फत गर्ने तयारी गरेको छ।
उम्मेदवारको मूल्याङ्कन गर्दा:
-शैक्षिक योग्यता
-अनुसन्धान तथा प्रकाशन
-नेतृत्व क्षमता
-कार्ययोजना/भिजन पेपर
-अन्तर्वार्ता तथा प्रस्तुतीकरणजस्ता पक्ष हेरिनेछ।
शिक्षा मन्त्रीको नेतृत्वमा रहेको सिफारिस समितिले छनोट प्रक्रिया अघि बढाउने उल्लेख छ।
यो व्यवस्था विश्वविद्यालय नियुक्तिमा हुने राजनीतिक प्रभाव घटाउने उद्देश्यसहित ल्याइएको अध्यादेशसँग सम्बन्धित छ।
