नबिल बैंकको नाफामा उछाल: ९ महिनामा ६ अर्ब ७६ करोड आर्जन

निजी क्षेत्रको अग्रणी नबिल बैंक लिमिटेडले चालु आर्थिक वर्ष २०८२/८३ को तेस्रो त्रैमाससम्ममा उत्साहजनक वित्तीय प्रदर्शन गरेको छ । बैंकले सार्वजनिक गरेको वित्तीय विवरण अनुसार चैत मसान्त सम्ममा बैंकको खुद नाफा ६ अर्ब ७६ करोड ४६ लाख रुपैयाा पुगेको छ ।
यो नाफा अघिल्लो आर्थिक वर्षको सोही अवधिको तुलनामा ३३.९१ प्रतिशतले वृद्धि भएको हो । गत वर्ष बैंकले सोही अवधिमा ५ अर्ब ५ करोड १४ लाख रुपैयाा खुद नाफा आर्जन गरेको थियो ।
नाफा वृद्धिको प्रमुख कारणका रूपमा खुद ब्याज आम्दानी र सञ्चालन मुनाफामा आएको सुधार देखिएको छ । समीक्षा अवधिमा बैंकको खुद ब्याज आम्दानी १२ अर्ब ४५ करोड ९४ लाख रुपैयाा पुगेको छ भने सञ्चालन मुनाफा ९ अर्ब ६१ करोड रुपैयाा कायम भएको छ । त्यस्तै, बैंकले २ अर्ब ४३ करोड ७६ लाख रुपैयाा खुद फि तथा कमिसन आम्दानी गरेको छ ।
व्यवसाय विस्तारसागै बैंकको निक्षेप र कर्जा दुवैमा वृद्धि देखिएको छ । चैत मसान्त सम्ममा बैंकले ५ खर्ब ७८ अर्ब ३४ करोड रुपैयाा निक्षेप संकलन गरी ४ खर्ब ४७ अर्ब ९४ करोड रुपैयाा कर्जा प्रवाह गरेको छ ।
बैंकको सम्पत्ति गुणस्तरमा पनि सुधार आएको छ । खराब कर्जा अनुपात गत वर्षको ४.९६ प्रतिशतबाट घटेर ४.३७ प्रतिशतमा झरेको छ, जसले जोखिम व्यवस्थापनमा सुधार देखाएको छ ।