पोखरा — नेपाल उद्योग परिसंघ अन्तर्गतको युवा उद्यमी मञ्च (CNIYEF) को अध्यक्षमा काजी स्टुडियोका संस्थापक मनिष श्रेष्ठ चयन भएका छन्। पोखरामा शुक्रबार सम्पन्न मञ्चको वार्षिक साधारण सभाले सन् २०२५–२०२६ कार्यकालका लागि श्रेष्ठको नेतृत्वमा नयाँ कार्यसमिति चयन गरेको हो।
पछिल्लो चार वर्षदेखि मञ्चमा सक्रिय श्रेष्ठलाई निवर्तमान अध्यक्ष आशिष अग्रवालले पदभार हस्तान्तरण गर्दै सपथ ग्रहण गराएका थिए। श्रेष्ठको टिममा विभिन्न क्षेत्रमा संलग्न युवाहरू रहेका छन् — सुगम घिमिरे (लर्निङ चेयर), पुनित अग्रवाल (मेम्बर इन्टीग्रेसन), निदा दुन मल्ल (ग्रोथ एण्ड एक्सपान्सन), यश अग्रवाल (फाइनान्स), अंकुर अग्रवाल (अन्तर्राष्ट्रिय सम्बन्ध), चिराग सरावागी (स्टार्टअप), साइनी खेतान (नेटवर्किङ) र सुजीत रेग्मी (स्टार्टअप को–चेयर) छन्।
सभामा सुदयकान्त झालाई ‘सबैभन्दा सक्रिय सदस्य’ को अवार्ड प्रदान गरियो भने सिएनआईवाईइएफ लुम्बिनीलाई ‘सर्वाधिक सदस्यता वृद्धिको’ सम्मान दिइयो। साथै, मञ्चबाट सार्क ट्याङ्क नेपालमा सहभागी मनिष श्रेष्ठ, सुजीत रेग्मी र अरुण अग्रवाललाई ‘टोकन अफ लभ’ दिइएको थियो।
सन् २००८ मा स्थापना भएको मञ्चले उद्यमशीलता प्रवर्द्धनमा युवालाई सक्रिय बनाउँदै आएको छ।
