सुनको मुल्यले राख्यो ऐतिहासिक रेकर्ड

नेपाली बजारमा सुनचाँदीको मूल्य निरन्तर बढीरहेको छ । छापावाल सुनको मूल्य प्रतितोला २ लाख ६८ हजार १ सय रुपैयाँ र चाँदी प्रतितोला ४ हजार ४ सय २० रुपैयाँ कायम भएको नेपाल सुनचाँदी व्यवसायी महासङ्घले जनाएको छ । नेपाली बजारमा आज कायम भएको सुुन चाँदीको मुुल्य अहिले सम्मकै उच्च हो ।
गत आइतबार छापावाल सुन प्रतितोला २ लाख ५८ हजार ३ सय रुपैयाँमा र चाँदी ४ हजार १ सय ५ रुपैयाँमा कारोबार भएको थियो ।
अमेरिकी डलरको भाउ बढे सँगै सुनचाँदीको मूल्य पनि बढेको विश्लेषकहरूले बताएका छन् । अन्तरराष्ट्रिय बजारमा आज एक औँस सुन चार हजार ५ सय २५ र त्यति नै परिमाणको चाँदी ७३ अमेरिकी डलरमा खरिदबिक्री भइरहेको अन्तरराष्ट्रिय सञ्चार माध्यमहरूले जनाएका छन् ।