पूर्वराजा वीरेन्द्रको वंश नाश हुने गरी, राजदरबार हत्याकाण्ड भएको २५ वर्ष पुरा भएको छ । २०५८ जेठ १९ को राति, नारायणहिटी दरबारमा पारिवारिक जमघटका क्रममा, राजा वीरेन्द्र, रानी ऐश्वर्य, युवराज दिपेन्द्र, राजकुमार निराजन, राजकुमारी श्रुति, शान्ति राज्यलक्ष्मी सिंह, शारदा राज्यलक्ष्मी, जयन्ती राज्यलक्ष्मी, कुमार खड्गविक्रम शाह र धीरेन्द्र शाह सहित ११ जनाको हत्या भएको थियो । घटनामा कोमल शाह, शोभा शाही, कुमार गोरखशमशेर र केतकी चेष्टर घाइते हुनुभएको थियो । घटनाको २५ वर्षसम्म दरबार हत्याकाण्ड रहस्यमय नै छ ।
तत्कालीन प्रधानन्यायाधीश केशवप्रसाद उपाध्यायको नेतृत्वको समितिले, तयार गरेको प्रतिवेदनमा घटनाको दोष युवराज दीपेन्द्रलाई लगाइएको छ । परिवारका सबैको ज्यान लिएपछि, दीपेन्द्र आफैँले गोली हानेर आत्महत्या गरेको प्रतिवेदनमा उल्लेख छ । दरबार हत्याकाण्ड भएको १४ वर्षपछि, हत्याकाण्डको मूल थलो त्रिभुवन सदन तत्कालीन राजा ज्ञानेन्द्रले, भत्काउन लगाउनुभएको थियो । त्रिभुवन सदनको बिलियार्ड हलभित्र राज परिवारका सदस्यहरुको हत्या भएको थियो । यो विलियार्ड हलको जगबाट गाह्रो उठाएर बनाइएको छ ।
नारायणहिटी राजदरबारलाई हाल संग्रहालय बनाएर सर्वसाधारणको लागि खुल्ला छ ।
०६५ सालबाट सञ्चालनमा आएदेखि नारायणहिटी संग्रहालय अहिलेसम्म करिब लाखौँ पर्यटकले अवलोकन गरेका छन् ।
सङग्रहालय भित्र बैठक कोठा, राजारानीको शयन कक्ष, राजकीय पाहुनाले प्रयोग गर्ने शयन कक्ष, भान्छा कोठा, भोजन कोठा सहित ५२ कोठा छन् । संग्राहलयमा, विभिन्न जिल्लाका नाममा बनाइएका २१ कक्षलाई पनि छन् ।
