स्वास्थ्य निगरानी, स्मार्ट कनेक्टिभिटी र सहज डिजाइनलाई एउटै यन्त्रमा समेट्दै सामसङले ग्यालेक्सी वाच८ सिरिज सार्वजनिक गरेको छ। कम्पनीका अनुसार यो वाच दैनिक जीवनका लागि उपयोगी डिजिटल सहयात्री बन्नेछ।
ग्यालेक्सी वाच८ हलुका, पातलो बनावटमा आएको छ, जसले लामो समय लगाउँदा पनि सहजता प्रदान गर्छ। मेटल फ्रेम र स्किनमैत्री ब्यान्डले थप आरामदायी अनुभव दिनेछ। मिनिमलिस्ट डिजाइन भएका कारण यो व्यायामदेखि अफिस मिटिङसम्म उपयुक्त रहने बताइएको छ।
यसमा समावेश उन्नत बायोएक्टिभ सेनसरले सुत्ने समयको विश्लेषण गरेर सर्केडियन रिदमअनुसार निद्राको सल्लाह दिन्छ। रनिङ कोच फिचरमार्फत दौड अभ्यासमा वास्तविक समयको सुझाव पाइन्छ भने, करोडेनोइड स्तर छिटो जाँच्न सकिने हुँदा स्वास्थ्य सजगता बढ्छ।
जेमिनी एआई एकीकरणले प्रयोगकर्तालाई भ्वाइस कमान्डमार्फत सामसङ हेल्थजस्ता एप चलाउन, व्यायाम सुरु गर्न वा मेसेज पठाउन सहयोग गर्छ।
ग्यालेक्सी वाच८ क्लासिक (४६ एमएम) को मूल्य ७४,९९९ रुपैयाँ तोकिएको छ, जुन सेतो रंगमा उपलब्ध छ। ग्यालेक्सी वाच८ का ४० एमएम र ४४ एमएम मोडल क्रमशः ५४,९९९ र ५९,९९९ रुपैयाँमा ग्राफिट र सिल्भर रंगमा पाइनेछन्।
